اليوم تجربتي مع ساعة Amazfit GTS 2E (تابعة لمجموعة شاومي)
بصراحة أنا بستعمل أكتر من ساعة بس لح شارك معكم تجربة الساعة الموجودة بالسوق التركية واستعمالها سهل وبسيط وبتدعم اللغة العربية
هي التجربة بناء على شهرين من الاستخدام
وكمان استبعدت الساعات الخفيفة والرخيصة كتير وخاصة يلي بتنزل بعروض الماركتات بسبب صنعاتها السيئة ومعلوماتها الخاطئة
مميزات Amazfit GTS 2E
- تصميم أنيق وبسيط
- وزن خفيف
- سوار من السليكون مريح جداً قابل للتبديل
- شاشة بألوان ودقة ممتازة
- Always On Display
- تسجيل الأنشطة البدنية اوتوماتيكياً (بتدعم 90 نمط)
- بطارية خارقة
- ضد الماء
- GPS
- حساس الخطوات
- حساس ضربات القلب
- حساس الأوكسجين في الدم
- حساس حرارة الجسم
- حساس الاجهاد
- حساس الاضاءة
- تتبع ساعات النوم
- ميكروفون
- مساعد شخصي (اليكسا)
- اشعارات التطبيقات
- اشعارات المكالمات
- دعم كامل للغة العربية
- تطبيق الساعة شامل ومفيد
- امكانية التحكم بالموسيقى من الساعة
- بوصلة
عيوب Amazfit GTS 2E
- مافيها مكبر صوت
- مابتاخد تطبيقات اضافية
- وقت الشحن الكامل طويل نسبياً (ساعتين تقريباً)
مواصفات فنية وعملية
- الساعة بتدعم جوالات الآيفون والأندرويد.البطارية فعلاً تعتبر مثالية: 23 يوم كحد أقصى و7 أيام كحد أدنى.
- الساعة كتير خفيفة بالايد يعني بعد يوم بتنسى انك لابس ساعة
- ضمن تطبيق ادارة الساعة فيك تغير شكل الواجهة والخيارات كتير متنوعة وكمان فيك تختار أهم المعلومات وتثبتها عالشاشة لسهولة الوصول
- فيها ميزة كتير حلوة وهي بس تشلح الساعة لحالها بتقفل برمز منشان ماحدا غيرك يلبسها وتتخربط المعلومات المحفوظة فيها.
- ماصار معي ولامشكلة بالاتصال بالبلوتوث (بعكس كتير ساعات موجودة بالسوق حالياً)
- بالنسبة للعالم يلي بتحب الشكل المدور للساعة في نفس المواصفات بشكل مدور اسمها AMAZFIT GTR 2E (موجود الرابط تبعها تحت)
- متوفر منها بناتي لون دهبي مع سوار زهر وللشباب في رمادي وزيتي
ملاحظة
- هاد الموديل بيتصنف تحت اسم ساعة ذكية أو Smart Watch
- وبيتضمن سامسونج جالكسي watch و Motorola 360 و Apple watch
- وبيختلف عن فئة السوار الذكي أو Smart Band
- يلي بتشمل Mi Band و سامسونج Gear و Huawei band
- فانتبهو عالفرق ولاتقارنو هي بهي لأن كتير شغلات بتختلف وأولها السعر
أنا طلبت الساعة من تطبيق TEKNOSA #تكنوسا لأن كان التطبيق الوحيد يلي عامل عليها #عرض وبسعر ممتاز بوقتها (1200 ليرة تركية – السعر من شهرين) علماً انو بصالات العرض ماكان عليها عرض أبداً
الساعة مكفولة سنة بكفالة الوكيل (#شاومي تركيا)
حالياً مافي عليها عروض غير بترينديول
عالانترنت في كتير اكسسوارات الها من لزقات شاشة وأغطية حماية و أساور بكل الألوان.نصيحة:
ازا بدك تشتري ساعة ذكية بكل امكانياتها بمعنى انك بدك تستفيد منها بالانشطة والتمارين وتشوف تقارير عن صحتك لاتشتري الساعات الرخيصة يلي معبية السوق لأنك لح تكبها وتكب المصاري معها بعد فترة و لح تكتشف انو لو استنيت شوي ودفعت الزيادة كنت أخدت طلبك متل مابدك.
